|
| 話咁快...我又一段時間....冇打呢個xanga,幾乎都唔記得左自己個login...其實都係最近自己工作上忙不停...根本都冇時間寫...就算放假的時候...都出d朋友出去VZ打機,就係屋企上網玩facebook... 轉眼差唔多一年的終結..今年08年真係發生左好多野...可能呢d野都令自己呢一年又大個左.........當中最大轉變的..都係我事業.....真係好多野唔同..而家總算都係實現我細個的夢想的...好笑的...雖然唔係做教書...但係而家做助教..都可以好開心..最少自己都見識的野多左..學的野都多左...起碼呢度比起出面d所謂公司的..舒服左..雖然有時遇到d挫折...不過都總算克服左呀.....由於呢份工作都係跟隨學校假期..所以....今年的聖誕節假期真係比我想像中..多左...都未試過..連續放左幾乎2個星期..就算番去做野..都冇太多..野做..由22/12放到出年..5/1... 不過咁多日假期....真係唔知點過.....22/12同雲少佢地去睇吸血鬼...26/12同亞鵬睇葉問.....來緊仲有好多戲想睇..雖然今年的聖誕節比往年過得比較孤獨...但最少仲有你地呢班戰友....連續過左幾日....哈...連續3日上VZ..殺敵... 29-30/12 我休唔到假.....要做野...只好暫時缺席雲少的計劃...希望你們幾日玩得開心d啦... 最後08年只剩下幾日就完結......都希望09年的開始..無論事業和感情的..都事事順利啦..... 大家都聖誕節......新年快樂.....! | | |
| 其實咁次呢篇日記..真係唔想寫太多野...始終每星期發生的野..實在太多..根本好多野都唔知點樣用文字去表達出來..有時真係好妒忌街個d人.....一個一個咁拖住手..真係幾開心...同時都唔知點解覺得今年的總係好多障礙咁..只係單係呢幾方面的事..都已經証明左今年...唔係太順利... 事業: 單係工一年都轉左幾份工...唔係我貪玩..係工作性質唔係岩自己就係俾小人攪到自己冇左份工...幸好...呢個10月終於都冇個好好的碼頭泊住先...雖然係辛苦左少少..不過都算係開心...的....但願2009年唔好咁多是是非非啦... 感情: 呢年真係可以話吃盡苦頭.......要失左的..就已經失去左..都唔想多講....只証明的..係我做得唔好徹底....想追求的.....又失敗左...看來今年都係交白卷先啦.... 家庭:呢年不過不失始終係我失戀的時候..得到屋企人的安慰之後..關係都好左好多..呢個應該都可能係我今年的得著卦..~希望往後都咁好啦.. 友情: 呢年幸有你們陪我..唔係今年真係唔知點過....所以認識的朋友們...多謝晒...............好記得 ADA曾經講的野...好記得郡主對我的安撫...好記得其他朋友的支持....... 講住呢度啦...~長話短說好了~ | | |
| 最近天氣凍左....呢緊幾日仲得番15度..真係要take care好身子唔好俾自己病...始終學校的野真係一日忙過一日..就連我個日記都冇太多時間.... 話咁快...我都係基華番左差唔多2個月多...其實好多野都已經習慣晒...同事的相處..都已經好左一點...不過只係間中d老師的麻煩說話..的確幾煩人...有時真係會好同意校長講過的一句話...而家d所謂教書的..真係剩係識得教書..其他野..佢地真係唔得..好似早幾日個投影機..稍為濛左少少..佢地就話壞左ga啦..只不過視點個control set番好咪冇事lo...不過話需如此...個別有幾個老師又真係幾好人的...今日竟然收到蔡老師請我食旺旺雪餅....再加上張副校的攪笑..其實有時真係覺得副校份人都幾幽默...無時無刻都聽到佢同d老師講笑話... 其實除左家教會的事同校車比較煩人之外..基本都運作好順利...不過講起家教會的..有時真係覺得今時今日d所謂家長..真係唔知點講...表達唔清楚,又要扮識野...仲知都係扮野lo..最後尾d野咪又係我幫佢執番...好似今日份備忘我真係比carol激到我好嬲定好笑..同我講急急急..呢個星期要出比學生...轉頭d野又話未confirm..頂!好想一句...咁急你又唔一早做..如果唔係校長叫到要我幫你們手...真係想睇下呢班家長做到d乜出黎...聽日仲要開會傾番個活動d野啦...睇下你們點死啦...~ p.s. 仲差10幾日就出糧...今個月一定要買新電腦啦...不然我來緊12月個時放聖誕假真係唔知係屋企做咩好lo...事關22/12放到28/12...呢段日子真係唔知做咩野好lo.... | | |
| 終於都到左秋涼的日子啦..其實我都係比較而家的天氣多點..事關我始終都係個幾怕熱都幾大汗的人..所以...嘿..而家都唔錯呀! 星期一 繼續番學校做野..咩都正常.....可以話好悶..不過都幾忙碌..一早番到去就做個學生健康檢查的帶隊啦..仲要為期兩個星期...老師一,三,五 我就負責二四..不過真係幾亂呀!.d學生有時唔聽話上來..都激死人....但都大至順利啦.........之後下午同平叔出左實惠..買聖誕節要用的用品..學校年年都需要wo...番到學校..好榮幸..見到前財爺..梁錦松..原來佢都係英華畢業ga..唔怪得..校長見到佢都好興奮............. 星期二 今日都唔知點講..倒楣到陣..先來家長投訴校車呢樣個樣..唉....都係個句...全校唔係得你小朋友搭校車..ga..你估真係計得咁岩咩.........下午..處理學校小霸王的事..唉..睇唔出..呢個小學生都有咁利害的攻擊力..在下副眼鏡.比佢揮的一拳(雖然係無心)..不過都好勁lo..眼鏡斷開左兩折..可以報消啦.. .結果放工去左眼鏡88配個副新的...又冇左成千蚊啦...又要焗住呢幾日帶隱形眼鏡.. 星期三 學校派校服的日子....初時都以為好簡單..原來實際都幾煩..d老師又緊張...幸好校服商..個度傾掂數..整體都順順利利..唔係真係俾個兩個負責的老師累死啦.. 又一証明..而家d老師..真係剩係識得教書..其他野真係.. p.s: 今日開心的....我真係係個學生心目中竟然係位老師...哈...第一次聽到學生叫你老師...第一次受學生對你的...鞠躬............哈哈哈...
| | |
| 近這幾天都仍然冇咩點打過個blog...始終呢個星期繼續忙過不停.....不過有時忙碌的工作都可以暫時俾我唔駛諗太多唔開心的野... 不過呢個星期....真係好比我訓練一下耐性...同...分析....事關呢個星期.....接左2個家長投訴....有時唔係話想係度...吐苦水..不過如果唔係呢度講的話...有時我真係唔知同邊個講好啦.....有時真係想話....家長...你知唔知...出面校門係禁區0黎ga...自己唔岩在先..仲要大聲話我們d校車司機冇禮貌...講真個句..我又唔覺你們好禮貌得去邊度lo...打電話來就話..大聲得去邊....第二件事..就話我們冇睇住佢地細路...講真唔係我地唔去做...係根本我們人手冇可能顧及咁多樣野..lo...既然唔鐘意校車司機..的..咪直接..家長你來學校接佢走lo....一味剩係識得大聲嘈...好煩呀..~如果我唔係為左份工..我真係第一個出聲....話走你呀....不過算啦...總算都領教到呢個世界所謂...蠻不講理的家長..... 去到11月..又差唔多接近聖誕節....往年的聖誕節..應該都幾開心...的..仲記得舊年收到她送的頸巾.....今年我都唔知應唔應仲帶住佢出街lu..........都係到時先在算....唔諗得咁多啦.. 最近繼續消錢...唔係買日常用品..就係..買晒衫..買鞋...,不過真係多謝我細佬...幫我買對鞋....又可以平番100幾十蚊啦....哈...來緊下個月出糧.又唔知買咩野lo..... 暫時預定: 一台.....新電腦..(預計 4,5千蚊左右啦.應該夠卦.) p.s~去到呢度先啦....今日又同雲少安仔佢地去機鋪聚會啦...(雖然幾無聊..不過每星期都有你們呢班兄弟陪我..都好好ga...thx!) | | |
|
